-14 °С
Болотло
Бөтә яңылыҡтар
"Йәшлек" гүзәле
28 Август 2025, 05:55
Алһыу АБДУЛЛИНА
Архангел районының Убалар ауылында тыуған ҡыҙға – 18 йәш. Әлеге көндә ул татыу, ижади ғаиләһе – ата-әсәһе, ҡустыһы һәм һеңлеһе менән бергә баш ҡалала йәшәй. Улар күмәкләп тәбиғәткә сығып ял итергә, спорт уйындары уйнарға ярата.
Алһыу мәктәптәге сараларҙа күп ҡатнаша, туған телебеҙгә арналған конкурс, олимпиадаларҙа еңеүсе була. Ошо һөҙөмтәләре өсөн хатта Мәскәү ҡалаһында үткән Президент шыршыһына барып ҡайта.
Әле ҡыҙ Мифтахетдин Аҡмулла исемендәге Башҡорт дәүләт педагогия университетының башҡорт филологияһы факультетында белем ала. Бында ла әүҙем студенттарҙан һанала. Уҡыуҙан, ижадтан илһам алам, ти. Үҙе инде 11 йыл “Гранде” коллективында бейеү менән шөғөлләнә. Әйткәндәй, туғандары ла бейеүгә битараф түгел. Өсөһө лә үҙҙәрен сәхнәһеҙ күҙ алдына килтермәй.
Алһыуҙың яратҡан шөғөлдәре күп. Ҡасандыр “Һылыуҡай” студияһында шөғөлләнеүе үҙе өсөн ҙур тәжрибә тупларға ярҙам иткән. Визажист эше, макияж эшләү оҡшай. Туй, юбилей кеүек ҙур байрамдарға йыйынған туғандары уға ғына мөрәжәғәт итә. Буш ваҡытында волейбол секцияһына ла йөрөй. Ә хыялы – балаларға башҡорт теленән белем биреү, улар өсөн ысын остаз булыу.
– Тырыш, тыйнаҡ, мөләйем, ярҙамсыл беҙҙең ҡыҙыбыҙ, – тип ғорурлана ата-әсәһе.
Л. РАИЛОВА.
Новости партнеров