Айназа ҠАҺАРМАНОВА

Айназа 1996 йылдың 16 ав­гусында Баймаҡ ҡалаһында донъяға килгән. Сабый сағында өләсәһе уның килешле хәрә­кәт­тәрен күҙәтеп барып, был ҡыҙыҡай бейеүсе булыр ул, тип фаразлай. Һомғол буйлы, нескә билле ҡыҙ булып үҫеп етә Айназа һәм, ысынлап та, бейеүгә ылығып китә. 
Һылыуҡай ҡаланың 3-сө мәк­тәбен – алтын миҙалға, Мәскәү авиация институтын тик “бишле” билдәләренә генә тамамлай. Магистратурала ла уҡып, әлеге көндә төҙөлөш компанияһында әйҙәүсе инженер булып уңышлы эшләп йөрөй – ун кеше менән идара итә. Уның бүлеге хеҙмәт хәүефһеҙлеге һағында тора.  ипле, яуаплы булғанға башҡорт ҡыҙына ошо эште ышанып тапшыр­ған­дарҙыр. 
Буш ваҡыттарында яҡташыбыҙ китаптар уҡырға, бейеү түңә­рәгенә йөрөргә, бассейнда йөҙөргә һәм төрлө йәмәғәт эштәрендә әүҙем ҡатнашырға өлгөрә. Илдең баш ҡалаһында лайыҡлы урын табып, шул уҡ ваҡытта үҙ телен, халҡын онотмай, юғары маҡсаттар менән йәшәгән йәш заманда­шыбыҙға уңыштар теләйбеҙ!