Рузилә АХУНОВА

Был һөйкөмлө ҡыҙға 22 йәш. Магнитогорск ҡала­һында тыуып үҫһә лә, Рузи­ләнең тамырҙары Әбйәлил районына барып тоташа. Башланғыс синыфтарҙан уҡ яҡшы өлгәшә, бер юлы худо­жество мәктәбендә лә уҡый, уны ҡыҙыл дипломға тамам­лай. Гимнастика менән шө­ғөлләнә, спорт мастерына кандидат. 
Һылыуҡайыбыҙ туғыҙынсы синыфты тамамлағандан һуң Златоуст ҡалаһында белем ала. Әле Өфөлә дарыуханала провизор булып эшләй. 
Рузиләне маҡсатҡа ынты­лыусан, көслө ихтыярлы итеп тәрбиәләгәндәр. Мәктәптә уҡығанда уҡ төҫлө таҫмалар­ҙан сәс ҡыҫтырғыстары эш­ләп һата торған булған. Әле лә тик ултырмай, буш ва­ҡытын ижадҡа бағышлай һәм өҫтәмә табыш ала. Ҡул эштәренә оҫта, матурлыҡты күрә һәм тыуҙыра белә. Ҡыҙ үҙ көсө менән баш ҡалала эшле лә, фатирлы ла булған. Йәнә аттар ярата. Хыялы – сәйәхәт итеү.

Л. ФАЗЛЕТДИНОВА.