Элина ФӘХРЕТДИНОВА

Иҫ киткес хозур тәбиғәтле, ҡуйы урманлы, тауҙарға бай Белорет районының Береш ауылында тыуып үҫкәнмен. Әлеге ваҡытта баш ҡалабыҙҙа юрист һөнәренә уҡыйым.

Сылтыр-сылтыр шишмә сылтырауын, урман шауын, ҡоштарҙың һайрашыуын ишетеп үҫкәнгәме, күңелем йыр-моңға ғашиҡ. Бәләкәй сағымдан алып әлегәсә төрлө бәйгелә һынау тотам, үҙемде һәр яҡлап асырға тырышам. Халҡыбыҙҙың сәнғәте, ғөрөф-ғәҙәттәре менән ҡыҙыҡһынам. Киләсәктә тыуған илебеҙҙе, туған телебеҙҙе үҫтереүгә үҙ өлөшөмдө индерергә теләйем.
Милләтем минең – башҡорт,
Һылыулығым – Һомайҙан,
Күңелемдә башҡорт рухы,
Күскәндер ул Уралдан!
Ике пар ҡанатым минең –
Атайым һәм әсәйем,
Туғандарым миңә терәк,
Һаулыҡтарын теләйем!
Хоҙайыма мең-мең рәхмәт!
Киләсәгем бар минең!
Йәшәһен тыуған ерем
Һәм ғәзиз туған телем!