Зөбәржәт АКИЛОВА

Таныш булығыҙ – Зөбәржәт. Хәйбулла районының Ғәлиәхмәт ауылы ҡыҙы. Бәләкәйҙән халыҡ бейеүҙәренә ғашиҡ, мәктәп, студент йылдарында төрлө конкурста еңеү яулаған. Ш. Бабич исемендәге Йылайыр башҡорт гимназияһын алтын миҙалға тамамлаған.

Бөгөн иһә ул Өфө дәүләт нефть техник университетын ҡыҙыл дипломға тамамлай. Уҡырға ла, эшләргә лә, әсәһенә ярҙамлашырға ла өлгөрә ул. Киләсәктә үҙе лә бәхетле әсә булырға, матур ғаилә ҡорорға хыяллана.