Алина ИШБИРҘИНА

Алина бала саҡтан башҡорт халыҡ бейеүҙәренә ғашиҡ. Бының сәбәбе ябай, сөнки ул кескәй генә сағынан Иҫке Сибай ауылында урынлашҡан Әhләй Сөләймәнов исемендәге музыка мәк­тәбендәге бейеү түңәрәгенә йөрөй. Бейеү конкурстарында әүҙем ҡатнаша, спорт менән дә дуҫ. Иҫке Сибай мәктәбен «бишле» билдәләренә генә тамамлағас, Рәсәй Финанс универси­те­тында белем ала. Артабан да бейеүҙе ташламай. 
Алина башҡорт халыҡ бейеүҙәре аша үҙенең тыуған еренә, халҡына һөйөүен белдерә. Һәр хәрәкәттә ниндәйҙер мәғәнә hуғарылған: бейеүсе ҡатын-ҡыҙҙың тор­мошон, уның таҙа, нәфис эске торошон тасуирлай. Шулай уҡ тормошҡа һөйөү ҙә сағыла унда. Ғөмүмән, Алина өсөн бейеү – ритмик хәрәкәт кенә түгел, ә нес­кәлек, үҙеңдең эске күңелеңде шул хәрә­кәттәр аша сағылдырыу.
Милләттәшебеҙ "Өфө hылыуҡайы – 2023" кон­курсында 3-сө урынға лайыҡ булған. Ул һәр көнөн лайыҡлы уҙғарырға тырыша. Уның хыялы һәм маҡсаты – үҙ халҡына һәм тыуған рес­пуб­ли­каhына кәрәкле кеше булыу!
Башҡорт халҡының бөйөк шәхесе Рәми Ғәриповтың шиғыр юлдары уның өсөн тормош девизы булып тора.
"Кеше кешеләргә кәрәк булhын,
Бер ҡайҙа ла артыҡ булмаhын.
Эшләгәндә янып эшләhен дә,
Ял иткәндә – көлhөн, йылмайhын!"