Фирҙәүсә ХӘМИТОВА 

Ҡырмыҫҡалы районының Мөкәй ауылында тыуғанмын. Бала саҡтан көләс йөҙлө, тыйнаҡ, тиктормаҫ булып үҫтем. Табип булырға хыял иттем.
2015 йылда мәктәпте алтын миҙалға тамамлап, Өфө медицина колледжына уҡырға индем. Бөгөн Башҡорт дәүләт медицина университетында педиатрға уҡыйым. Эшләп тә йөрөйөм.
Буш ваҡытымда, әлбиттә, атай-әсәй йортона ҡайтырға ашҡынам, уларға ярҙам итәм, тәмле аштар бешереп һыйлайым. Йырларға яратам, еңел атлетика менән шөғөлләнәм.