Үҙе сибәр, үҙе аҡыллы, үҙе тыйнаҡ, ҡыҫҡаһы, бар яҡтан да килгән һәләтле ҡыҙ. Ниндәй генә матур һүҙҙәр теҙеп яҙма, Ҡырмыҫҡалы районының Илтуған ауылы һылыуы Әлфинә Йәһүҙинаның уңғанлығын һүрәтләп бөтә алмаҫһың. Хәйер, ҡыҙ кеше шундай булырға тейеш тә.
Әлфинә бер ваҡытта ла ҡул ҡаушырып ултырмай. Һәр ваҡыт хәрәкәттә. Ул, мәктәпте тамамлағандан һуң, ике вузда уҡырға ла, район гәзитендә хәбәрсе булып эшләргә лә өлгөрә. 2014 йылда БДУ-ның журналистика факультетын һәм М. Аҡмулла исемендәге БДПУ-ның художество-графика факультетын (дизайн) тик яҡшы билдәләргә генә тамамлай.
Әлфинә журналистикаға ғашиҡ. Буш ваҡытында үҙен һөнәри яҡтан камиллаштыра: русса текстар яҙа, шулай уҡ телефонға видео төшөрөргә һәм уны монтажларға ярата.
И. ХУЖАБИРГӘНОВ.