0 °С
Болотло
Әбделмәмбәт урта мәктәбен тамамлағас, Сибай педагогия колледжында тәрбиәсе һөнәрен үҙләштерҙем. Әлеге көндә М. Аҡмулла исемендәге Башҡорт дәүләт педагогия университетының башҡорт филологияһы факультетында 4-се курста белем алам.
Театрға ғашиҡмын! Шуғалыр ҙа уҡыуҙың тәүге көнөнән үк университеттың «Ҡорос» халыҡ театры үҙенә йолоп алғандыр. Шиғырҙар яҙам, стилләштерелгән биҙәүестәр яһайым.
Киләсәктә үҙемдең шиғырҙар йыйынтығын баҫтырырға хыялланам һәм ошо офоҡта мине илһамландырыусы, ҡанат ҡуйыусы ғәзиз кешеләремдең, яҡын дуҫтарымдың һау-сәләмәт булыуы – минең иң ҙур теләгем.