+30 °С
Болотло
"Йәшлек" гүзәле
16 Октябрь 2020, 03:39
Ләйсән ХӘМИҘУЛЛИНА
Был мөләйем ҡыҙ Дәүләкән районының Дүртөйлө ауылынан. Беҙ уның менән Әлшәй районының Раевка ауылында М. Буранғолов исемендәге башҡорт лицейында сығарылыш класында бергә уҡыныҡ.
Мәктәп йылдарында уҡ тырыш ҡыҙ һәр предметҡа яуаплы ҡараны. Ләйсән, лицейҙы алтын миҙалға тамамлап, Башҡорт дәүләт медицина университеты студенты булып киткәс, уның өсөн ғорурландым да, ҡыуандым да. Яуаплы, ныҡышмал, ышаныслы ҡыҙ һаулыҡ һағында торасаҡ!
Медицина университетын уңышлы тамамлап, ординатурала онкология йүнәлеше буйынса белемен камиллаштырған Ләйсән Фәрүәз ҡыҙы бөгөн Республика онкология дауаханаһында хирург булып эшләй.
Ләйсән – заман менән бергә атлаған, шул уҡ ваҡытта халҡыбыҙҙың ғөрөф-ғәҙәттәрен хөрмәт иткән, көслө рухлы, ауырлыҡтарға баш эймәҫ ҡыҙ! Уға еңел булмаған хеҙмәтендә уңыштар, бәхет ҡояшы һәр саҡ янында булһын, тип теләйем.
Фото: Әлмира КАШАПОВА.
Әлшәй районы.
