Октябрҙә Башҡортостанда аҙыҡ-түлек кәрзине арзанайған

Иң кәрәкле 33 төрлө аҙыҡ-түлек ингән минималь тупланманың хаҡы октябр­ҙә 2181,43 һум булды. Статистиктар аҙыҡ-түлек кәрзине хаҡының бер айҙа 2,36 һумға кәмеүен билдәләй. Сентябрҙә тупланма хаҡы 2183,79 һум ине. Рәсәй Федерацияһы буйынса уның уртаса хаҡы 2464,96 һум тәшкил итә.«Башҡортостанстат» мәғлүмәте буйынса, күршеләребеҙ араһында аҙыҡ-түлек кәрзине Татарстанда (2078,61 һум) һәм Ырымбур өлкәһендә (2128,21 һум) арзан. Силәбелә ул – 2300,38 һум, ә Сыуашстанда 2232,58 һумға етә.Иң ҡиммәт аҙыҡ-түлек тупланмаһы – Чукот Автономиялы Округында – 6281,26 һум.