+21 °С
Облачно
Барыһы ла Еңеү өсөн
13 Сентября , 15:26
"Бесәй" позывнойлы шәфҡәт туташы
Архангел үҙәк район дауаханаһының «Кошка» позывнойлы шәфҡәт туташы үҙ теләге менән МХО зонаһына киткән. 2022 йылда уҡ ул алғы һыҙыҡҡа барырға теләгән, әммә ул ваҡытта ҡатын-ҡыҙҙарҙы алмағандар. 2025 йылда үҙ теләгенә ирешкән - РФ Оборона министрлығы менән контракт төҙөгән.
"Бесәй" позывнойлы шәфҡәт туташы
Ул фронт янындағы госпиталдә эшләй: яраланған яугирҙарға ярҙам итә, йыш ҡына ут аҫтында медицина ярҙамы күрһәтә. Уның әйтеүенсә, иң мөһиме — үҙеңде ҡулда тоторға, берҙәм һәм килешеп эшләргә, кешенең ғүмерен һаҡлап ҡалыу өсөн мөмкин булғандың барыһын да эшләргә.
Алғы һыҙыҡта медицина хеҙмәткәрҙәре тәүлек әйләнәһенә, ялһыҙ эшләй. Уларға дарыуҙар, аҙыҡ-түлек, һыу һәм кәрәкле әйберҙәр килтергән волонтёрҙар ҙур ярҙам күрһәтә.
«Кошка» МХО-ның үҙен ныҡ үҙгәртеүен таный: ул талапсаныраҡ, йыйнағыраҡ булып киткән, ваҡытты һәм яҡын кешеләрен нығыраҡ ҡәҙерләргә өйрәнгән.
«Аҙағына тиклем булам. Медицина ярҙамы һәр ваҡыт кәрәк», — ти ул.
