+17 °С
Болотло
Барыһы ла Еңеү өсөн
20 Май , 05:00
“Башҡортостан геройҙары” финалсылары һайлауҙа ҡатнаша
Быйыл көҙ Өфө ҡалаһы советына депутаттар һайлау үтә. МХО яугирҙары өсөн булдырылған кадрҙар программаһында ҡатнашыусыларҙан бер төркөм документтарын әҙерләп тапшырған да инде.
“Башҡортостан геройҙары” программаһы финалсылары һайлауҙа ҡатнаша
Алина Маннанова — хәрби медик. Ул 2023 йылда контракт төҙөп, ЛНР-ға юллана, фронт һыҙығынан яралыларҙы эвакуациялай. Унан ҡайтҡас, волонтер булып, яугирҙарға ярҙам итеүен дауам итә. Алина – БДМУ-ла Тактик медицина үҙәге етәксеһе лә.
Зинера Слабожанко – хәрби фельдшер, МХО ветераны. Бөгөн ул «Ватанды һаҡлаусылар» дәүләт фондының Башҡортостан филиалында социаль координатор булып эшләй, РФ Оборона министрлығының хәрби-социаль үҙәгендә аналитик.
Ике яугир ҙа “Берҙәм Рәсәй” партияһының алдан тауыш биреүендә ҡатнашыу өсөн 15-се территориаль төркөмдән (Өфөнөң Орджоникидзе р-ны) документ тапшырған.
Шулай уҡ кадрҙар программаһынан тағы өс яугир – Александр Илтуғанов, Руслан Садиҡов һәм Рафаэль Солтанов – һайлауҙа ҡатнашыу өсөн документ биргән.
Фото: Герои Башкортостана, вк
Беҙҙе МАКС-та ла уҡығыҙ!
