Беҙҙең яугир ҡыҙҙар ғорурландыра

Алғы һыҙыҡта юғары баһаланған коллегаһы хаҡында республиканың Ғаилә, хеҙмәт һәм халыҡты социаль яҡлау министрлығында һөйләнеләр.
«Уголек» позывнойлы яугир ҡатынға «Хәрби батырлыҡ өсөн» һәм «Ҡаҙаныштары өсөн» миҙалдары тапшырылған.
Һәр награда хәрби дежурҙа һәм хеҙмәттә айырым батырлыҡтары, яҡшы хәрби әҙерлеге һәм хәрби бурысын үтәгәндә шәхси батырлығы өсөн бирелгән.
"Уголек" 2024 йылдың апреленән МХО зонаһында. Быға тиклем хеҙмәт министрлығы системаһында 10 йыл тирәһе эшләй. Яуға ла үҫмерҙәр өсөн социаль приюттарҙың береһендә мөдир вазифаһында эшләгән сағында китә. Һәм унда ла үҙен ысын илһөйәр, ҡыйыу, мәрхәмәтле итеп күрһәтә.

Иҫән-һау әйләнеп ҡайтһын һәр яугир!

Фото: ғаилә, хеҙмәт Һәм халыҡты социаль яҡлау Министрлығы