Кодты күрһәтәһегеҙ ҙә, инеп китәһегеҙ

Сервис шунан ғибәрәт: яугир-ветерандар һәм уларҙың ғаилә ағзалары музей, театр, концерттарға махсус куар-код менән бушлай инә ала.

БР Мәҙәниәт һәм Дәүләт идараһын һанлы үҫтереү министрлыҡтары "Госуслуги" порталында льготаға эйә булыусылар өсөн уңайлы хеҙмәт булдырҙы.

Ябай ғына: порталда шәхси кабинетҡа инергә (раҫланған учет яҙмаһы кәрәк), www.gosuslugi.ru/culturesmo сайтына күсергә һәм «QR-код для подтверждения статуса участника СВО» сервисмын һайлап, «Получить» төймәһенә баҫырға.

Система РФ Оборона министрлығында мәғлүмәттәрҙе тикшерә һәм код бирә.

Тик QR-код ни бары биш минут ҡына ғәмәлдә, шуға ла уны мәҙәниәт учреждениеһына инерҙән алда ғына алырға кәрәк.