Балалар ҙа ярҙам итә

Шишмә районы үҙәгенең 2-се мәктәбе уҡыусылары һалдаттар өсөн сушибот яһаған. Был бәләкәй генә моҡсайҙар аяҡ кейемен киптереү өсөн ҡулай.

7-се класс уҡыусылары уҡытыусылары Наилә Солтанова менән сушиботтар әҙерләгән, тип хәбәр итә социаль селтәрҙә Шишмә районы хакимиәте башлығы Ришат Мансуров.

Идеяны МХО-ла ҡатнашыусының ҡатыны Назгөл Михайлова тәҡдим иткән.

- Ата-әсәләр туҡымалар бирҙе, шуларҙы дүрткел итеп ҡырҡып, үксә ҙурлығында тектек һәм балалар уларға бысҡы онтағы тултырҙы. Был сушиботтар аяҡ кейеме эсендә тиҙ генә дымды һура, - ти Наилә Солтанова.

Балалар шулай уҡ хат яҙған. Тиҙҙән гуманитар ярҙам ылауы менән яугирҙарға барып етәсәк.

Һәр яҡташыбыҙ еңеү менән иҫән-һау әйләнеп ҡайтһын! Һәләк булған батырҙарҙы онотмаясаҡбыҙ!

Фото: видеонан скриншот.