Герой исемен йөрөткән мәктәптә яугирҙар менән осрашыу

Был турала социаль селтәрҙәге сәхифәһендә район хакимиәте башлығы Марат Исҡужин хәбәр итә. Әйткәндәй, уның яҙыуынса, был ауылда МХО биләмәһендә хеҙмәт итеүселәргә гуманимтар ярҙам йыйып ебәреүгә лә ҙур өлөш индерәләр. Мәктәптә лә отпусска ҡайтыусы яугирҙар менән осрашыу даими ойошторола.

Был юлы мәктәпкә “Щука”, “Рубин” һәм “Федя” килеп киткән. Осрашыу бик йөкмәткеле булған, яугирҙар уҡыусыларға, уҡытыусыларға, ата-әсәләргә ярҙамдары өсөн рәхмәт белдергән.

Воскресенское ауылында ирекмәнлек хәрәкәтен мәктәп директорының тәрбиә эштәре буйынса урынбаҫары Эльвира Аллабирҙина ойошторған. Афарин, барыһына ла!

Яугирҙар иҫән-һау әйләнеп ҡайтһын!

Фото: Марат Искужин