Яугирҙарға йорт төҙөү өсөн ер алыу ҡулайлаштырыла

Башҡортостанда шәхси йорт төҙөү өсөн ер участкалары хәрбиҙәргә, МХО-ла ҡатнашыусы контрактниктарға, Рәсәй геройҙарына, полицияның махсус званиеһын алыусыларға, МХО-ла күрһәткән батырлыҡтары өсөн РФ наградаһын алыусыларға, хәрби хәрәкәттәр ветерандарына, МХО-ла һәләк булғандарҙың ғаиләләренә бирелергә тейеш. Кәрәкле закон ни тиклем тиҙерәк сыҡһа, шул тиклем яҡшыраҡ.

БР Дәүләт Йыйылышы – Ҡоролтай депутаттары 30 ғинуарҙа уҙған ултырышта республиканың Ер һәм мөлкәт мөнәсәбәттәре министрлығына РФ Оборона министрлығынан (ведомство-ара мәғлүмәт бирешеү системаһы аша) тейешле материалдарҙы үҙаллы һорарға мөмкинлек биргән закон проектын ҡабул иткән.

Быйыл Рәсәйҙә – Ватанды һаҡлаусылар йылы, Башҡортостанда Махсус хәрби операция ҡатнашыусыларға һәм уларҙың ғаилә ағзаларына ярҙам итеү йылы тип иғлан ителде.

Бөтәһе лә – Еңеү өсөн!

Әйткәндәй, махсус хәрби операция биләмәһендә хеҙмәт итеү өсөн килешеү төҙөргә теләүселәр 117 (РФ Оборона министрлығының берҙәм номеры), 122 (республиканың Ситуация үҙәге) йәки 8 (347) 218-19-19 телефонына шылтыратып белешә ала.

Һайлап алыу пунктының номеры (347) 248-29-31.

Башбат.рф сайтында социаль ярҙам саралары тураһында мәғлүмәт яҙылған.

Баш ҡалала “Һаҡсы” берҙәм үҙәгенә мөрәжәғәт итә алаһығыҙ (Элеватор урамы, 15-се йорт).