"Берҙәм йөрәк"

- Фотоларҙағы йөн билбауҙарҙы Бишбүләк районының Сухоречка ауылынан Галина Ғабрахманова эшләгән, - тип яҙа төбәк етәксеһе. - Уның тураһында "#ЖЗЛ_Башкортостан" даими рубрикамда һөйләйем.

Галина Петровна менән мин район буйлап эш сәфәрҙәренең береһендә таныштым. Ул Бишбүләк үҙәк китапхана филиалы китапханасыһы булып эшләй. Буш ваҡытын яратҡан шөғөлөнә - кейеҙ һуғыуға бағышлай. Уның эштәре "Йәйләү" республика художестволы кейеҙ фестиваль-конкурсында танылыу ала, һәм ул үҙенең оҫталығы менән шатланып уртаҡлаша. 2023 йылдан Галина Ғабрахманова "Берҙәм йөрәк" ирекмәндәр төркөмө менән етәкселек итә. Башҡа оҫталар менән бергә Галина Петровна хәрби хеҙмәткәрҙәребеҙ өсөн кейеҙ билбауҙар эшләй. Киң билбауҙар билде ҡаплай һәм һыуыҡтарҙа ярҙам итә. Билбауҙарҙан тыш, Сухоречка ирекмәндәре паракордтан беләҙектәр бәйләй - яугирҙар уларҙы ҡулдарына кейеп йөрөй, ә кәрәк булғанда - һүтеп, арҡан сифатында ҡулланалар. "Берҙәм йөрәк" командаһында бөтәһе - 28 кеше. Улар фронттағы егеттәребеҙгә бик кәрәкле 29 төрлө әйбер эшләй. Галина Петровнаға һәм махсус операцияла ҡатнашыусыларға ярҙам иткән бөтә республика халҡына рәхмәт белдерәм. Һеҙҙең ярҙамығыҙ бик мөһим.

Фото: https://vk.com/wall413272232_1382125