Мәкегә сумып һәләк булған ҡатынды тапҡандар

Ленинград өлкәһендә ҡотҡарыусылар мәкегә сумып һәләк булған ҡатынды эҙләү эшен туҡтатты. Туғыҙынсы көнгә уның мәйете фажиғә урынынан бер саҡрым алыҫлыҡта, Рожденственский күпере янында табылған. Баҡһаң, фажиғә ғаиләнең йорто янында булмаған. Улар Керәшен байрамы алдынан ҡуртымға йорт алған. Ҡыҙғанысҡа ҡаршы, байрам ғаиләгә ҡот осҡос фажиғә килтерә, ике сабыйҙы етем ҡалдыра. Уларҙың илаған тауыштары әле һаман ҡолаҡта сыңлаған кеүек. Хоҙай һаҡлаһын... Ҡабатланмаһын бындай ҡазалар.

Мәрхүмәнең яҡындарының ауыр ҡайғыһын уртаҡлашабыҙ...