+3 °С
Болотло
Бөтә яңылыҡтар
21 май
Йосопов Ғайса Ғәлиәкбәр улы (1905—19.08.1941), шағир һәм публицист, 1939—1940 йылдарҙағы совет‑фин һуғышында ҡатнашҡан һәм Бөйөк Ватан һуғышында һәләк булған хәрби табип. В. И. Чапаевҡа һәм уның дивизияһына арнап Һамарҙа ҡуйылған монументтағы бер яугир образының тәүһыны (прототибы). Сығышы менән хәҙерге Башҡортостан Республикаһының Мәләүез районы Дәүләтҡол ауылынан.Абдуллин Рәүеф Әхәт улы (1935), ғалим-нефтсе, йәмәғәт эшмәкәре. 1985 йылдан хәҙерге И. М. Губкин исемендәге Рәсәй нефть һәм газ университетының (Мәскәү) нефть һәм газ сығарыу сәнәғәтендә сит илдәр тәжрибәһен өйрәнеү һәм дөйөмләштереү буйынса ғилми-тикшеренеү лабораторияһы мөдире, ғилми етәксеһе. 1991—2002 йылдарҙа Мәскәү ҡалаһындағы «Башҡортостан» йәмғиәтенең совет рәйесе һәм 1995—2002 йылдарҙа Бөтә донъя башҡорттары ҡоролтайы (конгресы) башҡарма комитетының бюро ағзаһы. Техник фәндәр кандидаты (1971). Рәсәй Федерацияһының почётлы нефтсеһе (1995). Сығышы менән хәҙерге Башҡортостан Республикаһының Ейәнсура районы Башҡорт Үргене ауылынан.
Абайҙуллин Ишморат Ғәйфулла улы (1955—2001), Башҡорт АССР-ының ун икенсе саҡырылыш (1991—1995) Юғары Советының халыҡ депутаты һәм Башҡортостан Республикаһының беренсе саҡырылыш (1995—1999) Дәүләт Йыйылышы — Ҡоролтай депутаты. Сығышы менән хәҙерге Башҡортостан Республикаһының Ишембай районы Ҡанаҡай ауылынан.
Вәлиева Гөлнара Ҡәүи ҡыҙы (1965), китапханасы, йәмәғәтсе. 2015 йылдан Яңауыл районының «Биләмә-ара мәҙәни-ял итеү үҙәге» муниципаль автономиялы мәҙәниәт учреждениеһы директорының халыҡҡа китапхана хеҙмәте күрһәтеү буйынса урынбаҫары, 2012 йылдан район башҡортары ҡоролтайының башҡарма комитет ағзаһы. Башҡортостан Республикаһының атҡаҙанған мәҙәниәт хеҙмәткәре. Сығышы менән ошо райондың Вотяк Ушъяҙы ауылынан.
Крецул Олег Васильевич (1975), спортсы. 2001 йылдан дзюдо буйынса Рәсәйҙең йыйылма командаһы ағзаһы һәм Рәсәйҙең халыҡ‑ара класлы спорт мастеры (2001), Рәсәйҙең атҡаҙанған спорт мастеры (2003). Күреү буйынса инвалидтар араһында Паралимпия уйындары чемпионы (2008) һәм көмөш призёры (2004), донъя чемпионы (2002—2003, 2007, 2010), Донъя кубогын яулаусы (2001), Европа (2001, 2005, 2009) һәм Рәсәй (2001—2006) чемпионы донъя (2006) һәм Европа (2007, 2011) чемпионаттарының көмөш призёры. Дуҫлыҡ (2009) ордены, 2-се дәрәжә «Ватан алдында күрһәткән хеҙмәттәре өсөн» ордены миҙалы (2006), Башҡортостан Республикаһының Халыҡтар дуҫлығы (2008) һәм Салауат Юлаев (2004) ордендары кавалеры. Сығышы менән Кишинёв ҡалаһынан.
Ил һәм донъя буйынса
Иван Теребенёв (1780—1815), Рәсәй империяһы скульпторы, монументалист һәм график.
Элизабет Фрай (1780—1845), Бөйөк Британияның тәүге феминисткаларының береһе, дәүләттең төрмә системаһын үҙгәртеүсе.
Мишель Ленц (1820—1893), шағир, Люксембург гимнының тексы авторы.
Эмиль Верхарн (1855—1916), Бельгия шағиры, драматург һәм әҙәби тәнҡитсе, адвокат.
Виллем Эйнтховен (1860—1927), Голландия физиологы, 1924 йылғы Нобель премияһы лауреаты.
Тудор Аргези (төп исеме Йон Теодореску; 1880—1967), Румыния шағиры, прозаик һәм әҙәби тәнҡитсе.
Ғәлиә Кайбицкая (1905—1993), СССР-ҙың опера йырсыһы, Татар АССР-ының беренсе халыҡ артисы.
Тони Шеридан (1940—2013), Британия йырсыһы, гитарист.
Сергей Шойгу (1955 ), дәүләт эшмәкәре, 2012 йылдан Рәсәйҙең оборона министры, Рәсәй Федерацияһы Геройы (1999).
Владимир Сальников (1960), СССР спортсыһы, йөҙөүсе, дүрт тапҡыр олимпия, күп тапҡыр донъя чемпионы.
Тириль Экхофф (1990), Норвегия спортсыһы, биатлонистка. Олимпия һәм ике тапҡыр донъя чемпионы.
Байрамдар һәм иҫтәлекле даталар
Халыҡ-ара космос көнө.
Үҫеш һәм диалог өсөн халыҡ-ара мәҙәни төрлөлөк көнө.
Рәсәйҙең Тымыҡ океан флоты көнө.
Хәрби тәржемәсе көнө.
Полярниктар көнө.
Техник инвентарлаштырыу хеҙмәткәрҙәре көнө.
Өфө ҡалаһының хәҙерге «Горзеленхоз» муниципаль унитар предприятияһы эш башлай (1935).
ФОто: Т,Аманов
ФОто: Т,Аманов
Новости партнеров