Бөтә яңылыҡтар
13 Ноябрь 2012, 17:39

Яңғыҙ әсәләргә балалар пособиеһын арттырыу ҡарала

Бала хоҡуҡтары буйынса Баш­ҡортостандағы вәкил Милана Ско­робогатова БР Дәүләт Йыйылышы – ҡоролтай депутаттарына балалар­ҙың хоҡуҡтарын һәм законлы мәнфәғәттәрен яҡлау өлкәһендә федераль һәм республика ҡануниәттәренә үҙгәрештәр индерергә тәҡдим итте.

Яңғыҙ әсәләргә балалар пособиеһын арттырыу ҡарала
Яңғыҙ әсәләргә балалар пособиеһын арттырыу ҡарала

Бала хоҡуҡтары буйынса Баш­ҡортостандағы вәкил Милана Ско­робогатова БР Дәүләт Йыйылышы – ҡоролтай депутаттарына балалар­ҙың хоҡуҡтарын һәм законлы мәнфәғәттәрен яҡлау өлкәһендә федераль һәм республика ҡануниәттәренә үҙгәрештәр индерергә тәҡдим итте.
Тәҡдимдәр араһында опека һәм попечителлек органдарында бала хоҡуҡтары буйынса айырым категория белгестәре һанын арттырыу, «әсәлек капиталы»н файҙаланыу йүнәлештәрен киңәйтеү, асоциаль тормош алып барыусы, эшһеҙ йә эскесе ата-әсәләрҙән алимент түләтеү мәсьәләләре бар. Бынан тыш, яңғыҙ әсәләргә түләнгән айлыҡ балалар пособиеһы күләмен арттырыуға ҡағылышлыһы ла иғтибарға лайыҡ. Башҡортостан законына ярашлы, әле был түләү 110 һум тәшкил итә. Милана Скоробогатованың тәҡдимдәрен депутаттар артабан өйрәнер өсөн ҡабул итте.
Үткән аҙнала Өфөлә Рәсәй Президенты ҡарамағындағы бала хоҡуҡтары буйынса вәкил Павел Астахов та булып китте. Ике көн дауамында ул “Мәрхәмәт” хәйриә фондының балалар үҫеше үҙәгендә, махсуслаштырылған Бала йортонда, ”Изгелек” социаль хеҙмәтләндереү үҙәгендә булып, эштәр барышы менән танышты, Р. Нуриев исемендәге хореография училищеһына ла барҙы. Ә БР Президенты менән 2013 йылда республикала Рәсәй төбәктәрендәге Бала хоҡуҡтары буйынса вәкилдәрҙең VII съезын үткәреү тураһында һөйләште.
Читайте нас в