«Автохам» юл ҡағиҙәләрен һанламаусыларҙы асыҡлаясаҡ

Исеме бик үҙенсәлекле булған был акция юлдағы тупаҫлыҡты бөтөрөүгә, уға юл ҡуймау­ға йүнәлтелә. Тәү сиратта юл ҡағиҙәләрен һанға һуҡмаусыларға мәғлүмәт «һуғышы» иғлан ителә.
Рәсәй автомобилселәре федерацияһының Башҡортос­тандағы бүлексәһе вәкилдәре әйтеүенсә, улар, йәмәғәт ойошмаһы булараҡ, юлда кешеләр­ҙең бер-береһенә итәғәтле булыуын теләй һәм, тәртип боҙоусыларға ниндәй ҙә булһа яза бирелергә тейеш, тип иҫәпләй. Ойошманың сайтында «Ғибрәт таҡтаһы» булдырылып, унда юлдағы тупаҫлыҡтарҙы фотоға, видеоға төшөрөп ҡуялар.
Т. АМАНОВ.