-8 °С
Болотло
Бөтә яңылыҡтар
30 Ноябрь 2010, 16:23

Улар беҙҙең иғтибарға лайыҡ

Республикабыҙҙа әсәләргә һәр яҡлап та ҙур иғтибар бирелә. Илеш районында ла Үрге Йәркәй ауылы хакимиәте һәм ҡатын-ҡыҙҙар советы йыл дауамында әсәләргә, ҡатын-ҡыҙҙар­ға бағышланған бик күп күркәм сара үткәрә. Күптән түгел Әсә көнө алдынан район үҙәк китапханаһында балалар китапханаһы менән берлектә ойошторолған «Әсә – шәфҡәт диңгеҙе» тип аталған сара үтте. Гүзәл заттарҙы ҙурлау, данлау маҡсатында уҙған кисәгә өс быуын ҡатын-ҡыҙҙары саҡырылды. Уларҙы ҡотларға Үрге Йәркәй ауыл советы хакимиәте башлығы урынбаҫары, ҡатын-ҡыҙҙар советы ағзаһы Ильбира Мирзаһит ҡыҙы Йәлилова килде.

Улар беҙҙең иғтибарға лайыҡ
Республикабыҙҙа әсәләргә һәр яҡлап та ҙур иғтибар бирелә. Илеш районында ла Үрге Йәркәй ауылы хакимиәте һәм ҡатын-ҡыҙҙар советы йыл дауамында әсәләргә, ҡатын-ҡыҙҙар­ға бағышланған бик күп күркәм сара үткәрә. Күптән түгел Әсә көнө алдынан район үҙәк китапханаһында балалар китапханаһы менән берлектә ойошторолған «Әсә – шәфҡәт диңгеҙе» тип аталған сара үтте. Гүзәл заттарҙы ҙурлау, данлау маҡсатында уҙған кисәгә өс быуын ҡатын-ҡыҙҙары саҡырылды. Уларҙы ҡотларға Үрге Йәркәй ауыл советы хакимиәте башлығы урынбаҫары, ҡатын-ҡыҙҙар советы ағзаһы Ильбира Мирзаһит ҡыҙы Йәлилова килде.
– Әсәләргә ҡарата хөрмәт көндән-көн арта. Әсә – ул бөтә ғүмерен балаларға бағышлаған изге заттарҙың береһе. Үҫеп буй етеп, үҙебеҙ ата-әсәләр булһаҡ та, әсәләргә ҡәҙер-хөрмәт күрһәтергә яҙһын. Оло хөрмәткә лайыҡ булып, киләсәктә балаларығыҙҙың бәхетен күреп йәшәргә насип булһын һеҙгә, – тип тәбрикләне ул.
ҡунаҡтарҙың да әйтер һүҙҙәре бар ине. Ике балаға ғүмер биреп, үҙ аллы тормош юлына баҫтырған әсә, хеҙмәт ветераны Мәйсә Латипова үҙенең балалары, ейән-ейәнсәрҙәре тураһында һөйләп үтте.
– Мин балаларҙы үҫтергәндә лә, ейән-ейәнсәрҙәргә лә гел бишек йыры йырланым, – тине һәм уларҙың береһен йырлап ишеттерҙе. Уға ҡушылып, башҡа өлкән быуын әсәләре лә бишек йырҙарын хәтерҙәренә төшөрҙө, хәтирәләре менән уртаҡлашты.
– Ғүмер юлыбыҙҙа төрлөһөн күрҙек. Әсеһен дә, сөсөһөн дә татырға тура килде. Тик әсә булыу ул – изге эш. Шул хаҡҡа барыһын да сабыр кисерҙек, – тине кисәнең ҡунағы, һауынсы, ике тапҡыр Хеҙмәт ҡыҙыл Байрағы ордены менән бүләкләнгән Мөнжиә Саматова. Район ветерандар хоры ағзалары Фәниә Ғөбәйҙуллина, Мәйсә Латипова, Өлфә Кашапова, Дәниә Сәхипгәрәева гармунда уйнап, үҙҙәренең йәшлектәрен иҫкә төшөрҙө.
– Ибраһим Абдуллиндың «Тол ҡатындар иламай» әҫәрен тыныс ҡына уҡый алмайым, үҙемдең яҙмышымды сағылдырған кеүек, – ти Дәниә апай Сәхипгәрәева. Быйыл ул 75 йәшлек юбилейын билдәләгән.
– Өлкән йәштә булһа ла, әсәйебеҙ иртә яҙҙан ҡара көҙгә ҡәҙәр баҡсанан инмәй. Бөтә йәшелсәне лә үҫтерә, – ти ҡыҙы Илһөйәр.
Кисәлә уҡыусылар тарафынан әсәләргә бағышланған риүәйәттәр, шиғырҙар уҡып ишеттерелде, йырҙар яңғыраны. Улар тураһында әҫәрҙәр сәхнәләштереп күрһәтелде. Район сәнғәт мәктәбе уҡыусыларының сығыштары, Тәскирә Миңлейәрова, Мөслимә Ғәлимова, Диана Нәғимова, Индира Камалетдинова башҡарған йырҙар ҙа йәм өҫтәне.

Зифа ФӘТХУЛЛИНА.
Илеш районы.